Siyasət

2003-cü ilin 16 oktyabr hadisələri necə xarakterizə olunur?

17 Oktyabr, 2018
4152
15 il öncə ovaxtkı prezidentliyə namizəd, Müsavat Partiyasının keçmiş başqanı İsa Qəmbərin tərəfdarları səslərini qorumaq üçün küçələrə çıxmışdı. 

Etiraz aksiyası hakimiyyət tərəfindən dağıdıldı. 

Bəs, görəsən, 15 il bundan əvvəl bu hadisələr yaşanmasaydı, Azərbaycan bu gün necə olardı? 

Mövzuyla bağlı Toplum.tv ictimai şəxslər arasında sorğu keçirib. 

QHT sədri Əvəz Həsənov deyir ki, İlham Əliyev hakimiyyətə gəlməsəydi, bəlkə də, Azərbaycanın iqtisadiyyatı, ən əsası infrasukturu bu səviyyədə yüksəlməyəcək, inkişaf etməyəcəkdi: " Təbii ki, ölkə elə də bərbad vəziyyətdə olmayacaqdı. Çox güman ki, müəyyən prosesdə davam edəcəkdi. Nəzərə alsaq ki, İlham Əliyev daha çox iqtisadi sahədə nailiyyətlər göstərib. Sözsüz ki, neft gəlirlərindən əldə olunan vəsaiti Azərbaycan iqtisadiyyatına və ən əsası infrasukturun səviyyəsinin qaldırılmasına sərf etməsi ölkənin imicini dəyişib. 

İqtisadçı Məhəmməd Talıblı bildirib ki, son 15 il ərzində Azərbaycanda neftdən  gəlirlər əldə edilməsinə baxmayaraq, neftdən kənar sahələrdə elə də güclü inkişaf olmayıb: "Son 15 il ölkə iqtisadiyyatı üçün bir neçə xarakterik əlamətlərlə yadda qaldı. Makroiqtisadi konteksdə götürdükdə, Azərbaycan iqtisadiyyatı neft amili üzərində oturduldu. Ölkə iqtisadiyyatı neft-qaz gəlirlərindən 134 milyarddan artıq gəlir əldə etdi. Lakin ölkədə rəsmi statistikanın rəqəmlərini nəzərə almasaq, yoxsulluq və işsizlik ona proporsional səviyyədə enmədi. Ölkə iqtisadiyyatında süni inhisarçılıq çox möhkəmləndi. Bu tendensiyanı hələ ki durdurmaq mümkün olmayıb. Xarici borclanma adambaşına səviyyəsinə görə çox artdı. Azad bazar mexanizmləri işləmədi. Azərbaycan vətəndaşlarının neft-qaz gəlirlərindən olan gözləntilərinin heç biri yerinə yetirilmədi. Qeyri-resurs sektoru hələ də özünün inkişaf mərhələsinə daxil ola bilməz. Orta təbəqə yaranmadı. Sosial gərginliyin və maddi imkansızlığın doğurduğu neqativ meyillər ölkədən kütləvi miqrasiyanı sürətləndirdi. Sadəcə, bir qrup insan hədsiz varlandı. Halbuki, bütün sadaladıqlarımın əksini etmək olardı”.

Jurnalist Elçin Şıxlı bildirib ki, ölkənin durumu elə gördüyümüz kimidir: "Olmayan bir şey haqqında danışa bilmək çətindir. Düzdür, 15 il öncə İlham Əliyev hakimiyyətə gəlib. Əgər gəlməsəydi, nə olacaqdı? Bu suala və baş verən proseslərə mən cavab verə bilmərəm". 

Ekspert İlham Şabanın açıqlamasına görə bunun üçün dərin təhlillər lazımdır: "Ekspromt cavab versəm, yarı qaranlıq olardı. Bunun üçün dərin düşünmək lazımdır. Geniş təhlillərə ehtiyac var”.

Telejurnalist Qulu Məhərrəmli isə sorğumuzu bir kəlmə ilə cavablandırıb: "Mövlanə deyir ki, ya həqiqəti de, ya da sus...” 

İqtisadçı Qubad İbadoğlu son 15 il ərzindəki ölkənin iqtisadi durumu haqqında bildirib ki, yalnız Dövlət Neft Fondu Azərbaycanın neft və qaz resurslarının ixracatından 138 milyard dollardan çox vəsait qazanıb: "Onun 100 milyard dollardan çoxu son 15 ildə xərclənib.  Bu ildə 8-9 milyard dollar xərclənmə deməkdir. Əlbəttə ki, bu vəsait hesabına Azərbaycanı kiçik İsveçrəyə, Danimarkaya, ən pis variantda Çexiyaya yaxınlaşdırmaq olardı. Eyni zamanda hazırda ARDNF-nin aktivləri 38 987,7 milyon ABŞ dollarına deyil, ondan ən azı 2 dəfə çox olardı. Yəni gələcək nəsillər üçün daha çox yığıma vəsait qalardı. Bu gün Azərbaycan vətəndaşları işsizlikdən, yoxsulluqdan, təhsilsizlikdən, xəstəliklərdən əziyyət çəkməzdi. Ən azı əhalinin gənc, yaşlı hissəsi dövlət hesabına tibbi sığortadan, istedadlı gənclər xaricdə dövlət hesabına keyfiyyətli təhsildən, məşğul əhali yüksək əməkhaqqı olan iş yerlərindən, ahıl  vətəndaşlarımız yuxarı səviyyədə pensiyalardan bəhrələnə bilərdi”.

Samirə Əliyeva
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo