İqtisadiyyat

Azərbaycan İranla neft-qaz ticarətini niyə dayandırıb? – ŞƏRH

9 Noyabr, 2018
1829
ABŞ-ın Tehrana sanksiyaları ərəfəsində Azərbaycan İranla neft-qaz ticarətini  dayandırıb. 

Bu barədə "Turan” İnformasiya Agentliyi məlumat yayıb. 

Noyabrın 5-də ABŞ İranla neft-qaz əməkdaşlığı üzrə yeni sanksiyalar tətbiq edib. 

"Bloomberg” agentliyi bildirib ki, ABŞ Yaponiya, Hindistan və Cənubi Koreya da daxil olmaqla səkkiz ölkənin İrana qarşı sanksiyaların ikinci hissəsi qüvvəyə mindikdən sonra İran neftinin alışını davam etdirməsinə razılıq verib. 

Çin bu qrupa daxildir, ancaq onunla danışıqlar davam edir. Əvəzində səkkiz ölkə İrandan neft idxalını azaltmağı vəd edib.

Azərbaycanın İranla neft-qaz ticarətini dayandırmasının ABŞ-ın sanksiyaları ilə əlaqəsi varmı? 

İqtisadçı Natiq Cəfərli Toplum.Tv-ə bildirib ki, İrana qarşı tətbiq olunan sanksiyaların Azərbaycana dolayı və birbaşa təsirləri var: "Dolayı təsirlər dünya neft bazarında yaranacaq vəziyyətlə əlaqədardır. Bir neçə həftə öncə ABŞ neft məsələləri ilə bağlı çox sərt mövqedə idi. İrandan bir damla belə neft satılmayacağını bəyan edirdi.  3 gün öncə isə qərarını dəyişdi və İrandan neft alan ölkələrə neft almağa davam etdikləri təqdirdə heç bir sanksiya tətbiq etməyəcəyini bildirdi. Bu da neft bazarına təsir göstərdi. Azərbaycan çox primitiv iqtisadi modelə malik olduğuna görə, bizə də dolayı yol ilə təsir edəcək”.  
 

İqtisadçı deyib ki, təsirlərdən biri də Azərbaycanla İran arasında müxtəlif layihələrin gerçəkləşdirilməsi və ticarət dövriyyəsi  ilə bağlıdır: "Əsas ən böyük layihə Azərbaycanın sponsorluq etdiyi və maliyyələşdirdiyi Cənub-Şimal dəmiryolu layihəsidir ki, maliyyə tərəfini Azərbaycan öz üzərinə götürmüşdü və İrana 500 milyon dollar kredit vermişdi. Sanksiyalardan dolayı o layihənin gecikməsi və ya təxirə düşməsi mümkündür. Sanksiyaların əsas qayələrindən biri də İranın ticarət dövriyyələrinin zəifləməsidir. Şimal-Cənub dəhlizi isə əksinə ticarət dövriyyəsini artıra bilər”. 

N. Cəfərli bildirib ki, Nefçalada yeni açılmış avtomobil yığım mərkəzinin işinə də təsirlər olacaq: "Həmin müəsisədə İrandan gətirilən hazır detalların quraşdırılması və bazara çıxarılması baş verir. Sanksiyalar o zavodun işinə də problem yarada bilər. Yəni yığımın dayandırılması, gecikdirilməsi mümkündür. Nöbəti məsələ Milli İran Bankının fəaliyyəti, yəni Azərbaycandakı bir filialın bağlanması və ya məhdudlaşdırılması ilə nəticələnə bilər. Qısası, dolayı təsirlər neftlə, birbaşa təsirlər isə ticarət dövriyyəsi ilə bağlıdır”.

Deputat Aydın Mirzəzadə deyib ki, Azərbaycanla İranın xüsusi münasibətləri var:
 
 
"Bu, sadəcə, qonşu ölkə münasibətləri deyil, tarixən bir dövlətin içində olmuşuq. Bizim nəinki adətlərimiz, bir çox məsələlərə baxış bucağımız da eynidir. Yəni bu baxımdan İranla olan məsələlər Azərbaycanın diqqətində olub. İranla olan məsələnin danışıqlar yolu ilə həll edilməsinin tərəfdarıyam. Maksimum dərəcədə İranla münasibətləri həmişə yüksək səviyyədə saxlamağa çalışırıq. İran bunu görür və qiymətləndirir”.

Gülzar N. Məmmədli
Toplum TV

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

İqtisadiyyat

Avropa İttifaqı Azərbaycanla qaz ticarətini iki dəfə artıracaq

1 Mart 2024

Rəsmi səhifə

"Azərbaycan etibarlı tərəfdaşdır və əməkdaşlığımızda onun genişləndirilməsi üçün güclü potensial var". Toplum TV xəbər verir ki, bunu martın 1-də Cənub Qaz Dəhlizi Məşvərət Şurası çərçivəsində nazirlərin 10-cu iclasındakı çıxışı zamanı Avropa İttifaqının energetika məsələləri üzrə komissarı Kadri Simson deyib. O çıxışında bildirib ki, bu gün Avropaya Cənub Qaz Dəhlizindən gedən qazın həcmi 2021-ci illə müqayisədə 46 faiz çoxdur:  “Biz ümidvarıq ki, Azərbaycandan daxil olan təbii qaz Avropanın enerji sistemində enerji keçidi zamanı mühüm rol oynayacaq. Rusiyanın artan zorakılığı və davam edən əsassız müharibə şəraitində tamamilə aydındır ki, Avropa üçün, əslində, işlərimiz Rusiya ilə enerji sahəsində əvvəlki kimi olmayacaq. Çünki hazırda...
İqtisadiyyat

İlham Əliyev: “Azəri-Çıraq-Günəşli”də təbii qaz hasilatı başlayacaq

1 Mart 2024

Rəsmi səhifə

"Gələn ilin birinci rübündə “Azəri-Çıraq-Günəşli” layihəsində təbii qaz hasilatı başlayacaq. Bu, çox perspektivli bir layihədir". Toplum TV xəbər verir ki, bunu Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasında söyləyib. “Azəri-Çıraq-Günəşli”nin uzun müddət Azərbaycanın neft ixracının əsas mənbəyi olduğunu söyləyən Prezident əlavə edib ki, bu, “Şahdəniz” və “Abşeron”dan başqa, ölkənin qaz təchizatı üçün əlavə mənbə olacaq. https://toplum.tv/iqtisadiyyat/pazerbaycanda-benzin-uumlccediluumln-goumlmruumlk-ruumlsumu-legv-edilibp İlham Əliyev çıxışında həmçinin Cənub Qaz Dəhlizindən danışıb: "Cənub Qaz Dəhlizi artıq üç ildir işləyir. Bu, uğur hekayəsidir. Bu, Avrasiya məkanında mühüm infrastruktur layihələrindən biridir. Bu, enerji təhlükəsizliyi, əməkdaşlıq...

Seçilmiş Videolar

Toplum TV loqo