Dünya

Deputatlar parlamentin buraxılmasına çağırır - Ermənistanda

9 Oktyabr, 2018
1382
Oktyabrın 9-da Ermənistan parlamentinin 14 deputatı bəyanat imzalayaraq dekabr ayında növbədənkənar seçki keçirilməsinə tərəfdar olduqlarını açıqlayıblar. Onlar qeyd ediblər ki, baş nazir Nikol Paşinyan istefa verdikdən sonra həmin posta heç kim seçilməməli, parlament buraxılmalı, dekabr ayında qanunverici orqana yeni seçki keçirilməlidir.

Novator.az-ın məlumatına görə, bəyanatı sabiq prezident Serj Sərkisyanın sədrlik etdiyi Respublika Partiyasının parlament fraksiyasına daxil olan 7 deputat – Alik Sərkisyan, Akop Akopyan, Knyaz Həsənov, Arsen Mixaylov, Araik Qriqoryan, Taçat Vardapetyan (partiyasızdır), Arutyun Karapoqosyan (partiyasızdır) imzalayıb.

Respublika Partiyasının üzvü olub fraksiyaya qatılmayan daha 4 deputat növbədənkənar seçki çağırışına qoşulub: Aşot Arsenyan, Artak Sərkisyan, Arman Saakyan, Naqapet Qevorqyan.

Parlamentin buraxılmasını istəyən digər 3 deputat bunlardır: Şirak Torosyan (Böyük Vətən Partiyası, fraksiyasız), Samvel Aleksanyan (partiyasız, fraksiyasız), İşxan Zakaryan (Çiçəklənən Ermənistan Partiyası, Sarukyan bloku).

Ötən gün Ermənistanda növbədənkənar parlament seçkisi istiqamətində yeni addım atılıb. Oktyabrın 8-də Vətəndaş Sazişi Partiyasının lideri, baş nazir Nikol Paşinyan Çiçəklənən Ermənistan Partiyasının sədri, deputat Qaqik Sarukyanla görüşüb. Onlar parlament seçkisinin bu ilin dekabr ayında keçirilməsini nəzərdə tutan bəyannamə imzalayıblar.

İndiki parlament 2017-ci ilin yazında seçilib. Vətəndaş Sazişi Partiyasının və müttəfiqlərinin yaratdığı "Çıxış” bloku parlamentdə 9 mandata sahibdir. Serj Sərkisyanın partiyasının – Respublika Partiyasının parlament fraksiyası 50 nəfərdən, böyük əksəriyyəti Çiçəklənən Ermənistan Partiyasının üzvləri olan Sarukyan bloku 31 nəfərdən, Daşnaksütun Partiyasının fraksiyası 7 nəfərdən ibarətdir. 7 deputat heç bir fraksiyaya qatılmır.

Ermənistan Konstitusiyasına əsasən, baş nazir istefa verdikdən sonra parlament iki həftə ərzində hökumətin yeni başçısını seçməlidir. Əks halda qanunverici orqan buraxılır. Bu il mayın 8-də inqilabi proseslər fonunda baş nazir postunu tutan Nikol Paşinyan istefa vermək niyyətindədir. Plana əsasən, o, istefa verərkən baş nazir səlahiyyətlərinin icraçısı olaraq qalır, iki həftə ərzində parlament yeni baş naziri seçmir və buraxılır, dekabr ayına növbədənkənar seçki təyin olunur.

Qaqik Sarukyanla Nikol Paşinyanın oktyabrın 8-də imzaladığı bəyannamədə baş nazirin istefa verəcəyi təqdirdə həmin posta namizəd göstərməmək və göstəriləcək namizədi dəstəkləməmək öhdəliyi də yer alır.

2008-2018-ci illərdə prezident postunu tutan Respublika Partiyasının sədri Serj Sərkisyan aprelin 17-də baş nazir kürsüsünə oturub, ancaq xalq etirazlarına görə aprelin 23-də istefa verməyə məcbur olub. Xalq etirazlarına Nikol Paşinyan başçılıq edib.

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Dünya

Makron Avropadakı müttəfiqləri qorxaq olmamağa çağırıb

6 Mart 2024

Açıq mənbələrdən götürülüb

Fransa Prezidenti Emmanuel Makron Avropa dövlət başçılarına Ukrayna məsələsində qorxaqlıq etməmək barədə çağırış edib.  Toplum TV xəbər verir ki, Makron bu barədə Çexiyaya səfəri zamanı Praqada həmvətənləri qarşısında çıxış edərkən bildirib.  "Avropada qorxaqlıq etməməyin vacib olduğu bir məqama yaxınlaşırıq. Bizi gözləyən dramlardan danışmaq həmişə çətindir. Amma düşünürəm ki, Fransa da, Çexiya da baş verənləri anlayır. Müharibə torpaqlarımıza gəlib çatıb, dayandırılması qeyri-mümkün olan qüvvələr bizə qarşı hücum təhlükəsini genişləndirməkdə davam edir", - deyə o bildirib.  https://toplum.tv/dunya/pputin-qerbi-hedeleyib-facievi-neticeleri-olacaqp Xatırladaq ki, Fransa Prezidenti fevralın 26-da Parisdə Ukraynaya dəstək üçün keçirdiyi görüşdən sonra verdiyi açıqlamada Qərb qoşunlarının Ukraynaya göndərilməsini istisna etmədiyini bildirmişdi: "Bu gün quru...
Dünya

Fransa abort hüququnu konstitusiyaya salan ilk ölkə olub

5 Mart 2024

Açıq mənbələrdən götürülüb

Fransa qadınların abort hüququnu öz Konstitusiyasına salan ilk ölkə olub.  Toplum TV xəbər verir ki, qərar, lideri olduğu "Renessans" partiyası ilə birlikdə düzəlişlərin müəllifi olan Prezident Emmanuel Makron tərəfindən hərarətlə qarşılanıb. Fransa Parlamentinin sədri Yael Braun-Pive bildirib ki, 780 deputat təşəbbüsün lehinə, 72-si isə əleyhinə səs verib. https://toplum.tv/dunya/pquotpolitikoquot-fransa-nato-ya-qosunlarin-ukraynaya-goumlnderilmesini-teklif-edibp "Reuters" xəbərinə görə, parlamentin iclasında spikerin açıqlaması alqışlarla qarşılanıb. Dəyişiklik Konstitusiyanın 34-cü maddəsinə əlavə ediləcək. 

Seçilmiş Videolar

Toplum TV loqo