Sosial

Gürcüstan müsəlmanlarının şeyxinin Azərbaycanda saxlanıldığı deyilir

13 Noyabr, 2018
1407
Gürcüstan Müsəlmanları Ali Dini İdarəsinin sədri Şeyx Mirtağı Əsədov noyabrın 7-də Azərbaycan-Gürcüstan sərhəd buraxılış məntəqəsində saxlanılıb.

Mirtağı Əsədovun xanımı Şahanə Hacıyeva Meydan Tv-yə deyib ki, həyat yoldaşı sərhəddə saxlanılanda, onun özü Bakıda olub:

"Mirtağı Əsədovun gəldiyi avtobusun sürücüsü bizim qonşudur. Sürücü də bizə Mirtağının saxlanılması haqda məlumat verdi. Elə həmin günün axşamı Mirtağı mənə zəng vurub saxlanıldığını və Bakıya aparıldığını söylədi”.

Ş.Hacıyeva bildirib ki, yoldaşı əvvəllər də Bakıya gəlib, amma heç vaxt təhdid olunmayıb:

"Bir-iki dəfə sorğuya çağrılıb. Gürcüstanda heç vaxt Mirtağıya təzyiq edilməyib. Ona görə mən Mirtağının nə üçün saxlanılması barədə bir şey düşünə bilmirəm, çünki onun fəaliyyəti ictimaiyyətə bəllidir, heç bir gizlin, yaxud sirli məqam yoxdur ki, şübhəyə yer olsun. Ümumiyyətlə, qanundankənar bir addım atmayıb ki, saxlanılmasına əsas olsun. Nəhayət, Mirtağı Gürcüstanda fəaliyyət göstərir, Azərbaycanda yox. Qafqaz Müsəlmanları İdarəsi ilə də normal münasibətləri olub”.

Ş.Hacıyeva həyat yoldaşı ilə görüşmək üçün noyabrın 7-dən bəri hər gün iki dəfə DİN-in Baş Mütəşəkkil Cinayətkarlıqla Mübarizə İdarəsinə (BMCMİ) müraciət etsə də, cavab ala bilmədiyini deyir:

"Təəssüf ki, Mirtağı haqda heç bir məlumat ala bilmirəm, suallardan yayınırlar. Hətta Gürcüstanın Bakıdakı səfirliyinə belə məlumat verməkdən yayınırlar. Halbuki, Mirtağı cinayət törətməyib ki, məsələni bu qədər uzatsınlar, 1-2 saata reaksiya vermək olar. Düşünürəm ki, məlumat vermirlərsə, deməli, Mirtağıya təzyiq var”.

O, noyabrın 12-də Gürcüstanın Bakıdakı səfirliyində olduğunu deyir:

"Onlar dedi ki, bu məsələylə ciddi maraqlanırlar. Özləri deyirlər ki, nəyə görə vətəndaşları ilə bu cür davranırlar, artıq düşünmək lazımdır. Bilirsiniz, mənimlə görüşdürməyə bilərlər, amma diplomatik korpusa bu cür münasibət qanunaziddir”.

Şahanə Hacıyeva yoldaşını vəkil Elçin Sadıqovun müdafiə edəcəyini deyib:

"Artıq vəkil məktubla idarəyə müraciət edib, sabah cavab verməlidirlər. Başqa ölkənin vətəndaşını yaxınlarına məlumat, görüş vermədən bu cür saxlanılması insan oğurluğudur”.

Gürcüstan Müsəlmanları Ali Dini İdarəsinin məlumatına görə, M.Əsədov 2 il əvvəl Azərbaycan vətəndaşlığından imtina edib.

Onun ailəsinin Azərbaycanda yaşadığı, ailəsinı baş çəkmək üçün ildə bir neçə dəfə Azərbaycana səfər etdiyi bildirilir.

İdarədən deyiblər ki, Gürcüstanın Müsəlmanlar Ali Dini İdarəsinin sədri olan M.Əsədov son aylarda Gürcüstandakı məscidlərin durumu ilə bağlı tənqidi çıxışlar edib. O, Gürcüstanda məscidlərin dövlət mülkiyyətinə verilməsinə, sovet dövründə dini birliklərə dəyən zərərin kompensasiya edilməsi qaydasına qarşı çıxıb.

Azərbaycan Daxili İşlər Nazirliyi Mirtağı Əsədovun saxlanılması ilə bağlı hər hansı açıqlama verməyib. Onun nədə ittiham olunması haqda məlumat yoxdur.


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Sosial

Azad edilmiş ərazilərdə evlərini özləri inşa etmək istəyənlərin müraciətlərinə baxıla bilər

6 Mart 2024

Açıq mənbələrdən götürülüb

Azad edilmiş ərazilərdə evlərini özləri inşa etmək istəyən vətəndaşların müraciətlərinə baxıla bilər. Toplum TV xəbər verir ki, bu, Nazirlər Kabinetinin 2023-cü il üzrə fəaliyyəti haqqında hesabatında əks olunub. Qeyd edilib ki, yenidənqurma prosesi Qarabağ və Şərqi Zəngəzur iqtisadi rayonları üzrə işlənilmiş, Nazirlər Kabineti tərəfindən təsdiq olunmuş “İşğaldan azad edilmiş ərazilərin Ümumi Planı” əsasında həyata keçirilir.  https://toplum.tv/sosial/psu-ve-kanalizasiya-probleminin-helline-milyardlarla-manat-teleb-olunurp Hesabatda bərpa və yenidənqurma, eləcə də sərmayələrin cəlb edilməsi işində özəl sektor və vətəndaş cəmiyyəti ilə əməkdaşlığın əhəmiyyət kəsb etdiyi vurğulanıb. Belə ki, bunun büdcə vəsaitinə qənaət edilməsinə şərait yaradacağı bildirilib.  “Bərpa-quruculuq proseslərində iştirak etmək istəyən şəxslər tərəfindən konkret müraciətlər olacağı təqdirdə, onlara yaşayış...
Sosial

Din xadimlərinin attestasiyasına başlanılıb

4 Mart 2024

Açıq mənbələrdən götürülüb

İslam dininə aid ibadət yerlərində və ziyarətgahlarda çalışan din xadimlərinin attestasiyasına başlanılıb. Toplum TV xəbər verir ki, bu barədə martın 4-də Dini Qurumlarla İş üzrə Dövlət Komitəsi (DQİDK) məlumat yayıb. Bildirilib ki, bu məqsədlə Attestasiya Komissiyası yaradılıb. Komissiyada DQİDK və Qafqaz Müsəlmanları İdarəsinin (QMİ) nümayəndələri ilə yanaşı, ilahiyyatçı alimlər təmsil olunurlar. https://toplum.tv/sosial/pemin-emrullayev-azerbaycan-elmine-ayrilan-maliyye-azdirp Attestasiya prosesində fəaliyyət dövrünün 5 ilini tamamlamış 64 din xadiminin iştirakı nəzərdə tutulur. Attestasiyanın martın 6-da başa çatması planlaşdırılır. Qeyd edək ki, “Dini etiqad azadlığı haqqında” qanuna görə, “İslam dininə aid ibadət yerlərinə və ziyarətgahlara din xadiminin təyin olunması, attestasiyası və tutduğu vəzifədən azad edilməsi Qaydası”na əsasən, İslam...

Seçilmiş Videolar

Toplum TV loqo