Siyasət

Müxalif fəallara kəsilən cərimələri ödəmək üçün kampaniya başlanır

20 Noyabr, 2018
1010
Bakının Səbail Rayon Məhkəməsi tərəfindən cərimə cəzasına məruz qalan müxalifət fəallarının cəriməsinin ödənilməsinə dəstək məqsədilə noyabrın 23-də "Dirçəliş marafonu” keçiriləcək.

Bu barədə Siyasi Məhbusları Müdafiə Mərkəzinin (SMMM) noyabrın 19-da keçirilən toplantısında qərar qəbul edilib.

Şənbə günü Milli Şuranın sədri Cəmil Həsənli, AXCP sədri Əli Kərimli ilə yanaşı 52 nəfər müxalifət fəalı saxlanılmışdı.
17 noyabr - Milli Dirçəliş Günündə Bakıda Şəhidlər Xiyabanını ziyarət etmək istəyən Milli Şuranın sədri Cəmil Həsənli, AXCP sədri Əli Kərimli ilə yanaşı 52 nəfər müxalifət fəalı saxlanılıb. Onlardan 41 nəfəri xəbərdarlıq edilərək sərbəst buraxılıb.

Azərbaycan Xalq Cəbhəsi Partiyasının (AXCP) sədri Əli Kərimli və digər 10 fəal noyabrın 18-də məhkəmə qarşısına çıxarılıb. Məhkəmə Əli Kərimlini və 7 nəfər müxalifət fəalını İnzibati Xətalar Məcəlləsinin 513.1 maddəsi (Toplantıların təşkili və keçirilməsi qaydasının pozulması) ilə təqsirli bilərək cərimələyib. 3 fəal isə inzibati qaydada 20 sutka həbsə məhkum edilib.

Siyasi Məhbusları Müdafiə Mərkəzi müxalifətin ziyarətinin qarşısının alınmasını, 3 nəfər haqqında 20 günlük inzibati həbs cəzası çıxarılmaqla digər şəxslərin 400 - 2500 manat arası cərimələnməsini pisləyən bəyanat qəbul edib.

İllər öncə Azərbaycanda "Azadlıq" qəzetiniə dəstək və gənc fəalların məhkəmə cərimələrini ödəmək məqsədi ilə aksiyalar keçirilib. 2013-cü ildə gənclərə dəstək aksiyası "5 qəpik aksiyası" adalndırılıb.

İclasda SMMM tərəfindən hazırlanan "Həbs yerlərində saxlanma şəraiti və Azərbaycanda siyasi məhbus problemi” mövzusunda hesabat da diqqət mərkəzində olub.

Sənədin 10 dekabr - Ümumdünya İnsan Hüquqları Günü yerli və beynəlxalq ictimaiyyətə təqdim edilməsi qərara alınıb.

Yerli hüquq müdafiə təşkilatları ölkədə 160-dək siyasi məhbusun olduğunu bildirir. Eyni zamanda hüquq müdafiəçiləri həbs yerlərində siyasi məhbus kimi tanınan şəxlsərə qarşı münasibətin sərtləşdiyi barədə vaxtaşırı məlumatlar yayır.

Son bir ildə siyasi məhbus kimi tanınan iki şəxs - keçmiş səhiyyə naziri Əli İnsanov və AXCP sədrinin müşaviri Məmməd Ibrahim həbs müddəti başa çatmasına bir neçə gün qalmış digər ittihamla yenidən həbs olunub.

Rəsmi Bakı ölkədə insanların qanun qarşısında bərabər olduğunu və siyasi məhbusların olması ilə bağlı fikirləri qəbul etmir.

Penitensiar Xidmət də həbs yerlərində məhbuslara qarşı münasibətdə ayrıseçkiliyin olmadığını, məhbusların saxlanma yerlərində fəaliyyətin qanunvericiliyin tələblərinə uyğun qurulduğunu bəyan edir.

Avropa Şurasının Parlament Assambleyası Azərbaycanda siyasi məhbus məsələsi ilə bağlı məruzəçi təyin edib. Amnesty İnternational təşkilatı 10-dan çox insanı vicdan məhbusu elan edib. Avropa İnsan Hüquqlari Məhkəməsinin Azərbaycanda azadlıqların pozulması ilə bağlı çoxsaylı qərarları var.

Amerikanın Səsi


Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo