Siyasət

Nidaçı: "Mənə müsbət xasiyyətnamə verən məmur işdən qovulur"

13 Oktyabr, 2018
2073
Keçmiş siyasi məhbus Zaur Qurbanlı ona qarşı ədalətsizlik edildiyini iddia edir. 

Belə ki, ixtisasca hüquqşünas olan Qurbanlı Prezidentin əfv sərəncamı ilə azadlığa çıxsa da, onun üzərindəki məhkumluq hökmü məhkəmə tərəfindən götürülmür.

"Mən 4 ilə yaxındır, iş üçün müraciət elədiyim bütün yerlərdən imtina cavabı alıram. Məhz məhkumluğun götürülməsi üçün müraciət eləmişdim. Sadəcə, saman çöpündən yapışmaq misalı - işəgötürənlərin məhkumluq barədə sualına məhkumluğumun olmaması barədə məhkəmə qərarı ilə cavab vermək istəyirdim. Təbii ki, heç bir əsas olmadan məhkumluğum götürülmədi, ərizəm təmin edilmədi. Qəribəsi burasındadır ki, Daxili İşlər Nazirliyinin mənə verdiyi məhkumluq barədə arayışda mənim məhkum olduğum yazılmayıb. Amma nədənsə məhkum sayılıram", - Zaur Qurbanlı belə deyir.

Keçmiş siyasi məhbus əlavə edir ki, o, sadəcə, məhkum olduğuna görə yox, məhz siyasi məhbus olduğuna görə işə götürülmür: "Yəni hansısa bir cinayət əməli törətsə və ona görə tutulsa idim, məsələn, oğru, quldur, korrupsioner, qatil və s. olsa idim, işə götürülməyimdə problem olmayacaqdı. Çünki işəgötürənlər məhkumluğun qalıb-qalmaması ilə o qədər də maraqlanmırlar, onlar siyasi məhbus olduğumu bilən kimi imtina edirlər. İndi də üstəlik bu məsələ - mənim barəmdə müsbət xasiyyətnamə verən dövlət qulluqçusu işindən azad olunur. Bilmirəm, məqsəd nədir. Məni və digər oxşar statusda olan adamları ölkədən qovmaqmı, aclıqla sınğa çəkməkmi, hər nədirsə, əxlaqi və hüquqi bir şey deyil".

Zaur Qurbanlı 2013-cü ilin aprelin 1-də saxlanılaraq, cinayət məcəlləsinin 228.3 maddəsilə odlu silah daşımaqda ittiham edilib. Lakin iddiasına görə, o, siyasi zəmində, xüsusilə, Nida Vətəndaş Hərəkatının İdarə Heyətinin üzvü olduğuna görə məhkumluq yaşayıb.

Z. Qurbanlı 30 dekabr 2014-cü ildə əfv sərəncamı ilə azadlığa çıxıb.

Ofelya Ramilqizi
Toplum.Tv

Toplum TV Azərbaycanın müstəqil xəbər platformasıdır. Ölkədə və bölgədə baş verən hadisələri dəqiq və qərəzsiz şəkildə izləyicilərimizə çatdırırıq.

Toplum TV hər gün siyasət, iqtisadiyyat, sosial, kriminal, gender mövzularında reportajlar və xəbər proqramları, tolk-şou və müsahibələri diqqətinizə təqdim edir.

Ən doğru xəbərləri izləmək üçün Toplum TV-yə abunə olun.

Youtube: https://www.youtube.com/channel/UCztIohlYx63yMJzcRTF18IA

WebSite: https://toplum.tv

Facebook: https://www.facebook.com/toplumtv

İnstagram: https://www.instagram.com/toplumtv/

Telegram: https://t.me/Tvtoplum

Şikayətlərinizi Whatsapp-da Qaynar Xəttimizə göndərin: +99450 247 55 06

Siyasət

Bakı Moskva ilə əlaqələri daha da gücləndirmək istəyir

6 Mart 2024

Rəsmi səhifə

Martın 5-də Bakıda Azərbaycan və Rusiya arasında turizm və mədəniyyət, həmçinin Azərbaycan-Rusiya dövlət sərhədindən keçid məntəqələrinin və avtomobil yolu infrastrukturunun inkişafına dair ikitərəfli əməkdaşlığın gücləndirilməsi üzrə bir sıra sənədlər imzalanıb. Toplum TV xəbər verir ki, bu barədə Azərbaycan Nazirlər Kabinetinin Mətbuat xidməti məlumat yayıb.  Bildirilir ki, Rusiya Hökumətinin sədri Mixail Mişustin Bakıya iki günlük səfəri çərçivəsində Azərbaycan Baş naziri Əli Əsədov ilə görüş keçirilib. Görüş vaxtı tərəflər Azərbaycan-Rusiya strateji tərəfdaşlığının müxtəlif sahələrdə yüksək səviyyədə olduğunu bildiriblər. Həmçinin 2023-cü ildə qarşılıqlı ticarətin əldə olunmuş 4,3 milyard ABŞ dolları həcmində rekord səviyyəsindən məmnunluq ifadə ediblər.  "Nəqliyyat-tranzit sahəsi Azərbaycan-Rusiya əməkdaşlığının əsas istiqaməti kimi...
Siyasət

İranla münasibətlər bərpa olunur, azərbaycanlı diplomatlar qayıdacaq

6 Mart 2024

Açıq mənbələrdən götürülüb

Azərbaycan diplomatlarının tezliklə İrana qayıtmasına dair razılıq əldə olunub. Toplum TV xəbər verir ki, martın 5-də Ciddədə Azərbaycan xarici işlər naziri Ceyhun Bayramov iranlı həmkarı Hüseyn Əmir Abdullahian ilə görüşüb.  Görüş zamanı Azərbaycanın İrandakı Səfirliyinin əməkdaşını qətlə yetirən şəxsin məhkəməsinin nəticəsi ilə bağlı müzakirənin aparıldığı bildirilib.  https://toplum.tv/siyaset/piranda-azerbaycan-sefirliyine-huumlcum-etmis-sexs-edam-edilecekp Müzakirələrdən sonra Azərbaycan Respublikasının diplomatik nümayəndə heyətinin yaxın vaxtlarda İrana göndərilməsi ilə bağlı qərar qəbul edilib.  Xatırladaq ki, ötən il yanvarın 27-də Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin iki əməkdaşı...

Seçilmiş Videolar

Toplum TV loqo